ئەنجوومەنی وەزیرانی عێراق بڕیاریدا بە هەڵوەشاندنەوەی باجی سەر خزمەتگوزاری مۆبایل و كارتی پڕكردنەوەى ئینتەرنێت و نرخی كارتی دیاریكرد.
ئەنجوومەنی وەزیرانی عێراق لە كۆبوونەوەی ئەمڕۆیدا بڕیاریدا بە هەڵوەشاندنەوەی باجی 20%ی سەر خزمەتگوزاری مۆبایل و كارتی پڕكردنەوەى ئینتەرنێت لە 1-12-2022ەوە.
ڕاشیگەیاندووە، لەو بەروارەوە نرخی كارتی مۆبایل دەگەڕێتەوە بۆ نرخی پێشوووی، كە كارتی 5 هەزار دیناری بە 5 هەزار دینار و 10 هەزار دیناری بە 10 هەزار دینار و هەروەها بۆ نرخەكانی دیكەش.
جەختیشی كردۆتەوە، دەستەی ڕاگەیاندن و پەیوەندییەكان بڕیارەكە جێبەجێ دەكات و ئەو بڕە پارانەی پێشتر وەرگیراون دەگەڕێنرێنەوە بۆ خەزێنەی گشتی وڵات.
