ڕێبەری ڕەوتی سەدر ڕایدەگەیەنێت، گەلی سووریا لەهەموو لایەكەوە رووبەڕووی مردن دەبێتەوە، داوا لە وڵاتانی جیهان دەكات گەمارۆی سەر ئەو وڵاتە هەڵگرن و دەشڵێت،”گەلی سووریا بە شیعە و سوننە و كوردەوە تیرۆر و ستەم و داگیركاری رەتكردەوە و بەجێی مەهێڵن”.
موقتەدا سەدر، ڕێبەری ڕەوتی سەدر تویتێكدا لەبارەی دۆخی سووریا لەدوای بوومەلەرزەكەی ئەو وڵاتە ڕاگەیاندووە، گەلی سووریا لە هەموو لایەكەوە رووبەڕووی مردن دەبێتەوە، بۆیە پێویستە یەكبگرین بۆ رزگاركردنیان و هەڵگرتنی تەواوی گەمارۆی سەریان و گەیاندنی مافەكانیان .
ڕاشیگەیاندووە، پێویستە وڵاتانی جیهان گەمارۆی سەر ئەو وڵاتە هەڵگرن، هەر سزایەكی ئابووریی نێودەوڵەتی لە دژی رژێم و حكومەتەكان سوودی نابێت لە هێنانەدیی “ئامانجی وڵاتانی كۆڵۆنالیزم”.
ئاشكراشیكردووە، كە گەلی سوریا بە شیعە و سوننە و كوردەوە تیرۆر و ستەم و داگیركاری رەتكردەوە، بۆیە بە تەنیا بەجێی مەهیڵن رووبەڕووی مردن ببێتەوە، چونكە گەلەكەی لە سادەترین ماف بێبەشن.
