سەرۆكی دیوانی ئەنجوومەنی وەزیران ڕایدەگەیەنێت، ئێوارەی ئەمڕۆ بەرەو بەغدا بەڕێ دەكەون بۆ گفتوگۆ كردن و ڕێككەوتن لەسەر پرسە هەڵپەسێردراوەكانی نێوان هەولێر و بەغدا.
ئومێد سەباح، سەرۆكی دیوانی ئەنجوومەنی وەزیرانی هەرێم ڕایگەیاندووە، لەسەر بریار و ڕاسپاردەی مەسرور بارزانی، سەرۆكی حكومەتی هەرێمی كوردستان، ئێوارەی ئەمرۆ شەممە بەرەو بەغدا بەرێدەكەوین بەمەبەستی گفتوگۆ و رێككەوتن لەسەر پرسە هەڵپەسێردراوەكانی نێوان هەولێر و بەغدا.
ڕاشیگەیاندووە، ئەم سەردانەی شاندی حكومەتی هەرێمی كوردستان لە چوارچێوەی سەردانە فەرمیەكانی حكومەتی هەرێمە بۆ بەغدا بە مەبەستی گەیشتن بە رێككەوتن دەربارەی یاسای نەوت و غاز و بودجە و ماف و شایستە داراییەكانی هەرێمی كوردستان و چەندین بابەتی تر.
