ژمارەی گیانلەدەستدان بە بوومەلەرزەكانی باكوور و ڕۆژئاوای كوردستان، توركیا و سووریا گەیشتە 9600 كەس.
بەپێی دواین ئامارەكان لە بوومەلەرزەكەی باكووری كوردستان و توركیا ژمارەی گیانلەدەستدان گەیشتە 7108 كەس و نزیكەی 40910 بریندار.
دەزگای ئافادی توركیا ڕایگەیاند، تائێستا 684 بوومەلەرزە ڕوویانداوە.
لە ڕۆژئاوای كوردستان و سووریا 2751 گیانیان لەدەستداوە، بە تەنها لە هەرێمی عەفرین هەزار كەس گیانیان لە دەستداوە و 4554 كەسیش بریندار بوون.
ئەوە لە كاتێكدایە سووپای توركیا لە پارێزگا بوومەلەرزەلێدراوەكانی باكووری كوردستان و توركیا خرایەئامادەباشییەوە و باری نائاسایی لەو پارێزگایانە ڕاگەیاندرا و هێزی سەربازی بڵاوەیپێكرا.
وەزیری بەرگریی توركیا، خوڵوسی ئاكار سەبارەت بە بوومەلەرزەكانی پارێزگای مەڕەش:
ڕایگەیاند “كۆی گشتی نزیكەی حەوت هەزار و ٥٠٠ سەربازمان لە تەواوی ناوچەكە لە ئەركدان. هەروەها لە ئەنجامی ئەو كارانەی ئەنجامماندا لە سبەینێوە هەزار و ٥٠٠ سەربازی دیكەمان بەشداری لە چالاكییەكان دەكەن”.
خوڵوسی ئاكار دەڵێت: “تاكو ئێستا كۆی گشتی دوو هەزار و ٦٠٠ كارمەندی رزگاركردن، ٧٨ ئۆتۆمبێل و پێداویستی دیكە بۆ ئەو شوێنانە گواستراونەتەوە كە پێویستی پێیەتی. دەستمان بە گواستنەوەی ئەو پێداویستی و كارمەندانە كردووە كە بە تایبەتی لە رۆژئاواوە بۆ فڕۆكەخانەكانی ئینجەرلیك و عەنتاب و ماڵاتیا هێناومانن. گەشتە ئاسمانییەكانمان بەردەوامە”.
لای خۆیەوە وەزیری تەندروستیی توركیا ڕایگەیاند:
“تاكو ئەم ساتە ژمارەی ئەو كەسانەی كە لە هاتای لەژێر داروپەردوودا رزگاركراون بۆ هەزار و ٨٤٦ كەس بەرزبووەتەوە”.
“لە هاتای دوو هەزار و ٧٤٩ باڵەخانەی رووخاومان دەستنیشان كردووە. كۆی گشتی نۆ هەزار و ٨٢٣ كەس لە ئەركدان كە دوو هەزار و ٩٠٢ كەسیان كارمەندی گەڕان و رزگاركردنن”.
“لەگەڵ ئەو تیمانەی گەڕان و پشكنین كە لەم شەوەوە دەگەنە هاتای، ژمارەی تیمەكانمان بۆ دوو هێندە بەرز دەبێتەوە”.
وەزیری تەندروستیی توركیا راشیگەیاند “لە هاتای دوو هەزار و ٧٤٩ باڵەخانەی رووخاومان دەستنیشانكردووە. كۆی گشتی نۆ هەزار و ٨٢٣ كەس لە ئەركدان كە دوو هەزار و ٩٠٢ كەسیان كارمەندی گەڕان و رزگاركردنن”.
كۆجا ئاماژەی بەوەش كرد كە لەگەڵ ئەو تیمانەی گەڕان و پشكنین كە لەم شەوەوە دەگەنە هاتای ژمارەی تیمەكان بۆ دوو هێندە بەرز دەبێتەوە : “نزیكەی حەوت هەزار و ٥٠٠ سەربازمان لە ناوچەكە ئەرك بەجێ دەگەیێنن و لە سبەینێوە هەزار و ٥٠٠ سەربازی دیكە دەگەنە ناوچەكە”.
