![](https://xelk.org/wp-content/uploads/2024/03/awincity2.png)
وەزیری تەندروستیی تورکیا رایگەیاند، ژمارەی گیانلەدەستدان بەهۆی بوومەلەرزەکەی پارێزگای مەڕەش بۆ پێنج هەزار و ٤٣٤ و بریندارەکان بۆ ٣١ هەزار ٧٧٧ کەس بەرزبووەوە.
فەخرەدین کۆجا، وەزیری تەندروستی تورکیا لەگەڵ خولوسی ئاکار:”تاکو ئێستا ژمارەی گیانلەدەستدان بەهۆی بوومەلەرزەکەی مەڕەش-وە بۆ پێنج هەزار و ٤٣٤ و بریندارەکان بۆ ٣١ هەزار ٧٧٧ کەس بەرزبووەتەوە”.
وتیشی:” تا ئێستا هەزار و ٨٤٦ کەس لە هاتای لەژێر داروپەردوودا رزگارکراون و لە هاتای دوو هەزار و ٧٤٩ باڵەخانەی رووخاومان دەستنیشان کردووە. کۆی گشتی نۆ هەزار و ٨٢٣ کەس لە ئەرکدان کە دوو هەزار و ٩٠٢ کەسیان کارمەندی گەڕان و رزگارکردنن”.
دوێنێ سێشەممە دوو بوومەلەرزە بە گوڕی ٧،٧ و ٧،٦ پلە شارۆچکەکانی پازارجیک و ئەلبیستان سەربە پارێزگای مەڕەش-ی هەژاند و لە ١٠ پارێزگای دیکەی تورکیاش کاریگەری هەبوو.