وەزارەتی گواستنەوە و گەیاندنی حكومەتی هەرێم ڕاپۆرتێك سەبارەت بە پێشبینییەكانی دۆخی كەشوهەوا بڵاودەكاتەوە و ڕایدەگەیەنێت، كە بەفر و باران بارین بۆ یەك هەفتە ناوچەكە دەگرێتەوە.
بەشی پێشبینییەكانی كەشناسی هەرێم سەر بە وەزارەتی گواستنەوە و گەیاندن لە ڕاگەیەنراوێكدا ئاماژەی بەوەكردووە، ڕۆژی شەممە رێكەوتی 28-1-2023 شەپۆلێكی باران بارین ڕوو لەناوچەكەمان دەكات تاوەكو ڕۆژی چوار شەممە بەردەوامی دەبێت.
ڕاشیگەیاندووە، سەرەتا كاریگەری ئەم شەپۆڵە لەسەرناوچە شاخاوییەكان دەبێت بە نمە باران و بەفر بارین و ڕۆژی یەك شەممە كاریگەری ئەم شەپۆلە بە لاوازی لەسەر ناوچەكەمان دەبێت، بەڵام لە رۆژی دووشەممە و سێ شەممە كاریگەری ئەم شەپۆڵە بەهێز دەبێت باران بارین لەتەواوی ناوچەكەمان دەبارێت و بەفربارینیش لەسەر ناوچە شاخاوییە بەرزەكان دەبارێت.
ئاماژەی بەوەشكردووە، لەماوەی كاریگەری ئەم شەپۆڵە پلەكانی گەرما نزم دەبێتەوە و ئاستی دابارینیش مام ناوەند دەبێت و ڕۆژی چوار شەممە كۆتایی بە كاریگەری ئەم شەپۆلە دێت.
