سەرۆكی هەرێمی كوردستان لەگەڵ سەرۆكی پرۆژەی نیشتمانیی عێراق پشتگیریی خۆیان بۆ حكوومەتی فیدرالیی عێراق و هەوڵەكانی سەرۆك وەزیران محەمەد شیاع ئەلسوودانی بۆ جێبەجێكردنی كارنامەی حكوومەت و چارەسەركردنی كێشەكانی وڵات دووپات كردەوە.
نێچیرڤان بارزانی، سەرۆكی هەرێمی كوردستان ئەمڕۆ یەكشەممە 22/1/2023 پێشوازی لە شێخ جەمال زاری سەرۆكی پرۆژەی نیشتمانیی عێراق كرد و لە دیدارێكدا دۆخی ناوخۆی عێراق و پرۆسەی سیاسی و پەیوەندییەكانی عێراق لەگەڵ وڵاتانی ناوچەكە، هەروەها دۆخی ناوچەكە بەگشتی، تاوتوێ كرا.
هاوكات هەردوولایان پشتگیریی خۆیان بۆ حكوومەتی فیدرالیی عێراق و هەوڵەكانی سەرۆك وەزیران محەمەد شیاع ئەلسوودانی بۆ جێبەجێكردنی كارنامەی حكوومەت و چارەسەركردنی كێشەكانی وڵات دووپاتكردەوە.
لەكۆبوونەوەكەدا سەرۆكی هەرێمی كوردستان و سەرۆكی پرۆژەی نیشتمانیی عێراق، هیوایان خواست كێشەكانی هەولێر ـ بەغدا و كاركردنی هەموو لایەن و هێزە سیاسییە عێراقییەكان لەپێناو ئارامی و سەقامگیرییدا بێت .
