ئەنجوومەنی وەزیرانی عێراق لە كۆبوونەوەی ئەمڕۆیدا ٧ بڕیار و ڕاسپاردەی بۆ دابەزاندنەوەی بەهای دۆلار بەرامبەر بە دیناری عێراقی دەركرد و سەرجەم وەزارەت و فەرمانگە و زانكۆ و پەیمانگا ئەهلی و حكومییەكان و بازرگانان و كۆمپانیاكان و دوكاندار و دەرمانخانەكانی ناچار كرد بە كردنەوەی هەژماری بانكی بۆ پێدانی دۆلار بە نرخی فەرمی.
ئەنجوومەنی وەزیرانی عێراق لە ڕاگەیەنراوێكدا ئاماژەی بەوەكردووە، بڕیار دراوە سەرجەم سەرجەم وەزارەت و فەرمانگە و زانكۆ و پەیمانگا ئەهلی و حكومییەكان و بازرگانان و كۆمپانیاكان و دوكاندار و دەرمانخانەكان و چێشتخانە و بەنزینخانە هەژماری بانكی بكەنەوە و لەڕێگەی پارەدانی ئەلیكترۆنی (POS) دۆلاریان بە نرخی فەرمی پێ دەدرێت.
جەختیشی كردۆتەوە، هاوردەكردنی ئامێری پارەدانی ئەلیكترۆنی (POS) و ئامێری وەرگرتنی پارەی ئۆتۆماتیکی (ATM) لە باج و گومرگ دەبەخشرێن.
دەقی بڕیارەكانی ئەنجوومەنی وەزیرانی عێراق:
١- بانکی ناوەندی عێراق ڕێکارەکانی پێدانی مۆڵەت بۆ کردنەوەی کارتی بانکی بە بەکارهێنانی خاڵەکانی فرۆشتن (POS) ئاسانکاری دەکات، هەروەها باج لەسەر ئەو بانک و قەوارانەی کە ئەو ئامێرانە بەکاردەهێنن کەمدەکاتەوە.
٢- پابەندکردنی سەرجەم بەشە حکومی و ناحکومی و تێکەڵاوەکان و سەندیکا و کۆمەڵەکان و سەرجەم ئەو ناوەندانەی کە بڕە پارەیان تێدا کۆدەکرێتەوە، بە کردنەوەی هەژماری بانکی و دابینکردنی ئامێری خاڵی فرۆشتن بۆ پارەدانی ئەلیکترۆنی (POS)، پارەدان بە کارتی بانکی پارە کۆبکەنەوە وبۆ ئەوەی ئەوانەی دەیانەوێت بە کارت پارە بدەن، لە هەمان کاتدا پارەی نەختینی پسوڵە بەیەکەوە بهێڵنەوە.
٣- ناچارکردنی سەرجەم قوتابخانە ئەهلیەکان، زانکۆکان، کۆلێژە ئەهلیەکان، و وێستگەکانی سوتەمەنی بە هەموو جۆرەکان و شوێنەکان و لە سەرتاسەری عێراق بۆ کردنەوەی هەژماری بانکی و دابینکردنی ئامێری خاڵی فرۆشتن بۆ پارەدانی ئەلیکترۆنی (POS)، پارەدان بە کارتی بانکی بۆ کۆکردنەوەی پارە و بۆ ئەوەی ئەوانەی دەیانەوێت پارە بدەن بە کارت، لە هەمان کاتدا پاراستنی پسوڵەی کاش لەگەڵ بەستنەوەی نوێکردنەوەی مۆڵەتی کارکردن و پێدانی مۆڵەت بۆ پراکتیزەکردنی پیشەکە لە ڕێگەی دابینکردنی ئەم ئامێرانە.
٤- پابەندکردنی سەرجەم ناوەندە بازرگانییەکان و فرۆشگاکان بە هەموو جۆرەکانیەوە، چێشتخانە و دەرمانخانە، کلینیکە پزیشکییە ئەهلییەکان، فرۆشگاکان، سەرجەم فرۆشگاکانی مارکێتینگی تاکەکەسی و جوملە و خزمەتگوزاری مۆڵەتپێدراو کە پێویستیان بە پارەدان هەیە بۆ بەرژەوەندییەکانیان لە چوارچێوەی سنووری شارەوانی بەغدا و سەنتەرەکانی پارێزگاکان و قەزاکان لە سەرانسەری عێراق، بۆ کردنەوەی هەژماری بانکی و دابینکردنی ئامێری خاڵی فرۆشتن بۆ پارەدانی ئەلیکترۆنی (POS) پارەدان لە ڕێگەی کارتی بانکییەوە بۆ کۆکردنەوەی پارە و بۆ ئەوەی هاووڵاتیان و سەردانکەران بتوانن بە کارت پارە بدەن، لە هەمان کاتدا پسوڵەی نەختینە لەگەڵیدا بپارێزن لەگەڵ بەستنەوەی نوێکردنەوەی مۆڵەتی کارکردن و پێدانی مۆڵەت بۆ پراکتیزەکردنی پیشەکە لە ڕێگەی بەردەستبوونی ئەم ئامێرانە.
٥- سەرجەم بانکە حکومی و ئەهلیەکان ئامێری خاڵی فرۆشتن بۆ پارەدانی ئەلیکترۆنی (POS) دابین دەکەن، پارەدان بە کارتی بانکی بۆ ئەو لایەنانەی پێشتر ئاماژەیان پێکراوە و کڕیارانی تر بۆ کۆکردنەوەی پارە بە شێوەی ئەلیکترۆنی و لە سەرتاسەری عێراق.
٦- لێخۆشبوونی گرێبەست و هاوردەکردنی ئامێری پارەدان و کۆکردنەوەی ئەلیکترۆنی (ئامێری خاڵی فرۆشتن POS)، و ئامێری وەرگرتنی پارەی ئۆتۆماتیکی (ATM)، پەیوەست بە سیستمی پارەدان و کۆکردنەوەی بە کارتی بانکی، لە ڕسوماتی گومرگی و باج بە هەموو شێوەیەک و ئەمەش لە بودجەی فیدراڵی بۆ ساڵی ٢٠٢٣دا هاتووە.
٧- بەخشینی سەرجەم مامەڵەی پارەدانی ئەلیکترۆنی (POS) لە باج.
