ئەو بایەی بەشێوەیەكی هێواش ناوچەكانی هەرێمی كوردستانی گرتۆتەوە خێراییەكەی زیاد دەكات و تاوەكو ڕۆژی چوار شەممە بەردەوام دەبێت.
شاڵاو هیدایەت، شارەزای كەشناسی بۆ (خەڵك) ڕایگەیاند، ئەو ڕەشەبایەی لەسەر ناوچە جیاوازەکانی سنوری پارێزگای سلێمانی و دەورووبەری و ڕاپەرین و کۆیە و بەشێکی هەولێر و گەرمیان و شارەزوور هەڵی كردووە، خێراییەكەی زیاد دەكات.
ڕاشیگەیاند، پێشبینی دەکرێت بەخێرایی 20 تا 40 کم لەكاتژمێرێكدا تا دوانیوەڕۆ بۆ درەنگانی چوار شەممە بەردەوام بێت و دواتر کۆتایی دێت.
وتیشی، “وشکی کەش لە ماوە و ڕۆژانی داهاتودا بەردەوامە و تا ئێستا شەپۆلێكی گیتگیری باران بارین دەرنەكەوتووە”.
