لە سنووری چوارقوڕنە لە ئیدارەی ڕاپەڕین ئۆتۆمبێلێك لەلایەن درۆنێكی توركیاوە بۆردومان كرا و بەهۆیەوە 4 كەس گیانیان لەدەستداوە.
شایەتحاڵێك لە شوێنی ڕووداوەكە بۆ (خەڵك) ڕایگەیاند، لە گردجان لە ئیدارەی ڕاپەڕین ئۆتۆمبێلێك تەقییەوە بەهۆی بۆردومان كردنی لەلایەن درۆنی توركیاوە.
وتیشی، “گەیشتووینەتە شوێنی ڕووداوەكە و دوو كەس گیانیان لەدەستداوە و چەند كەسێكی دیكەش بریندارن و ڕەوانەی نەخۆشخانە كران”.
ئاماژەی بەوەشكرد، هێزەكانی ئاسایش گەیشتوونەتە شوێنی ڕووداوەكە و دەوری ناوچەكە گەمارۆ دراوە و لێكۆڵینەوەیان لە ڕووداوەكە دەستپێكردووە.
لای خۆشیەوە، بەڕێوەبەری پۆلیسی ڕاپەڕین بڵاویكردەوە، بەهۆی بۆردومانی درۆنەوە ئۆتۆمبێلێك كراوەتە ئامانج و 4 كەس گیانیان لەدەستداوە.
ئەمە لەكاتێكدایە، كە هەر ئەمڕۆ فڕۆکەکانی تورکیا سنووری ناحیەی دینارتەی سەر بە قازای ئاکرێیان بۆردومان کرد و لە ئاکامدا پیاوێک بە ناوی جەعفەر جەلال لەگەڵ هاوسەرەکەیدا گیانیان لەدەستدا.
