وەزارەتی دارایی هەرێم ڕاگەیەندراوێکی نوێی بڵاوکردەوە

وەزارەتی دارایی و ئابووری هەرێم دەستپێکردنەوەی خەرجیی وەزارەتەکانی راگەیاند و ڕێنماییەکانی بۆ ئەو مەبەستە بڵاوکردەوە.

بەپێی نووسراوێکی وەزارەتی دارایی و ئابووری هەرێمی کوردستان، لە ئەمڕۆوە خەرجیی وەزارەتەکان بەپێی رێنماییە نوێیەکان دەستپێدەکاتەوە.

لە 10ی کانوونی یەکەمی 2024 وەزارەتی دارایی هەرێم خەرجیی تایبەتی دامەزراوەکانی راگرت بە مەبەستی یەکلاکردنەوەی ژمێرەکان.

بەپێی رێنماییەکانی وەزارەت، بەهۆی ئەوەی هەرێم یاسای بودجەی ساڵی 2025 ی نییە، خەرجییەکان لەسەر رێژەی 1/12ی خەرجیی فعلی ساڵی 2024 دەبێت تا ئەو کاتەی یاسای بودجە پەسەنددەکرێت.