بوومەلەرزەیەک بە هێزی 5.1 پلەی ڕێختەر شارۆچکەی قەسری شیرینی سنووری پارێزگای کرماشانی ڕۆژهەڵاتی کوردستان و شارۆچکەی کەلاری ناوەندی ئیدارەی سەربەخۆی گەرمیانی لە هەرێمی کوردستان هەژاند.
بە گوێرەی ڕاپۆرتی سەرەتایی ناوەندی بوومەلەرزەزانیی کۆماری ئیسلامی ئێران، هێزی بوومەلەرزەکە 5.1 پلەی ڕێختەر بووە و کاتژمێر چواری بەرە بەیانی ئەمڕۆ دووشەممە، شارۆچکەی قەسری شیرینی لە پارێزگای کرماشان هەژاندووە.
هەروەها ئاماژەی داوە، چەقی بوومەلەرزەکە لە قوڵایی هەشت کیلۆمەتری ناخی زەویی لە نێوان ڕۆژهەڵات و باشووری کوردستان بووە.
هەروا ڕوونی کردووەتەوە، شوێنی بوومەلەرزەکە بە دووری 21 کیلۆمەتر لە قەسری شیرین، دووری 22 کیلۆمەتر لە خانەقین و دووری 39 کیلۆمەتر لە سەرپێلی زەهاو تۆمار کراوە، بەڵام
تا ئێستا هیچ زانیارییەک لە بارەی زیانی گیانی و ماڵیی بوومەلەرزەکە بڵاو نەکراوەتەوە.
