وەزارەتى خوێندنى باڵا و توێژینەوەى زانستى پاداشتى بڵاوکردنەوەى توێژینەوەى زانستى بڵاودەکاتەوە.
وەزارەتی خوێندنی باڵا و توێژینەوەی زانستی بڵاویکردەوە، لە فەرمانێکى وەزاریدا وەزارەتى خوێندنى باڵا و توێژینەوەى زانستى بڕى پاداشتى بڵاوکردنەوەى توێژینەوەى زانستى لەلایەن هەڵگرانى نازناوى زانستى لەسەر میلاکى دامودەزگاکانى سەر بە وەزارەتى خوێندنى باڵا و توێژینەوەى زانستى دەردەکات.
بەپێى فەرمانە وەزارییەکە کە پاڵپشتە بە بڕیارى کۆبونەوەى ئەنجومەنى وەزارەت، لە نۆ خاڵدا بڕى پاداشتى بڵاوکردنەوەى توێژینەوەى زانستى بە سەرجەم وردەکارییەکانییەوە بڵاوکراوەتەوەو ئاراستەى سەرجەم زانکۆکانى کوردستان کراوە بە مەبەستى جێبەجێکردن.
بەپێی بڵاوکراوەکەی وەزارەتی خوێندنی باڵا و توێژینەوەی زانستی، فەرمانەکە لە ڕێکەوتى دەرچونییەوە جێبەجێ دەکرێت و ئەو توێژینەوانە دەگرێتەوە کە لە ڕێکەوتى (2024/1/1) بە دواوەو بڵاوکراوەتەوەو پاداشتى توێژینەوەیان بۆ خەرج نەکراوە.
