بە هۆی لێدوانێکی دۆناڵد ترەمپ، سەرۆکی ئەمریکاوە نرخی زێڕ لە جیهاندا بەرزبووە.
ئەمڕۆ هەینی نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 778 دۆلار کە لە مانگی تشرینی یەکەمی ڕابردووەوە بەرزبوونەوەی لەو جۆرەی بە خۆوە نەبینیوە.
ئەمەش دوای لێدوانەکەی دوێنێی دۆناڵد ترەمپ، سەرۆکی ئەمریکا هات بەرامبەر بە چین کە ڕایگەیاند، پێی باشە پەنا نەباتە بەر سەپاندنی سزای گومرگیی بەسەر چیندا.
ئەم لێدوانە پێچەوانە پێشبینییەکانی بانک و بازرگانەکان بوو کە گومان دەکرا ترەمپ سزا بەسەر چین و یەکێتی ئەوروپادا بسەپێنێت.
لە دوێنێوە بەهای دۆلار نزمبووەتەوە و لە بەرامبەریشدا زێڕ هەڵکشاوە.
