ئۆنسەی زێڕ لە بۆرسەی جیهانی و بازاڕەكانی هەرێم گەیشتە بەرزترین ئاستی جیهانی لەمساڵدا و زیاتر لە 50 دۆلاری دیكە چووە سەر نرخەكەی.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕووونی كردەوە، ئۆنسەی زێڕ ئامانجی یەکەمی بەرزبوونی بۆ گەیشتن بە 2729 بڕی و زیاتر بەرزدەبێتەوە و گەیشتە 2740 دۆلار، بەوەش 50 دۆلار چۆتە سەر نرخی یەك ئۆنسە.
ڕاشیگەیاند، ئەگەرچی ئەمڕۆ نرخی زێڕ 581 هەزاری دەگرتەوە، بەڵام سەندیکای زێڕنگران نرخی بە 577 هەزاری دیاریکرد ئەمەش بەهۆی نزمی نرخی فرۆشتنی قاڵبی ئۆنسەی زێڕ لەچاو قاڵبی ئۆنسەی زێڕ بەپێی سعری بۆرسەی جیهانی و نزمی کڕینەوەی نرخی زێڕەکان لە بازار.
وتیشی، “ئۆنسە ئێوارەی ئەمڕۆ نرخەكەی گەیشتۆتە 2 هەزار و 740 دۆلار و بەوەش نرخی یەك مسقاڵ زێڕی عەیار 24 بووە بە 664 هەزار دینار و عەیاری 21 بووە بە 580 هەزار و عەیاری 18 بووە بە 498 هەزار دینار”.
