نرخی زێڕ بەراورد بە دوێنێ زیاتر بەرزبووەتەوە و لە ماوەی ئەمساڵدا گەیشتە بەرزترین نرخ.
نرخی ئۆنسەیەک زێڕ لە بۆرسەی جیهانیدا بە دوو هەزار و ٧١٤ دۆلار مامەڵەی پێوەدەکرێت، کە بە بەراورد بە دوێنێ نرخەکەی ٢٠ دۆلار بەرزبووەتەوە و بەراورد بە سەرەتای ئەمساڵ زیاتر لە ١٠٠ دۆلار گران بووە.
دانا وەرتی، خاوەنی زێڕنگەری ئازوورا لە هەولێر بۆ (خەڵک) وتی، ئەمڕۆ هەینی ١٧ـی کانونی دووەمی ٢٠٢٥، دوای داتاکانی ئەمریکا، بەهای زێڕ بەرزبووەتەوە بۆ بەرزترین ئاستی لە ماوەی مانگێکدا بەهۆی لاوازی بەرهەمهێنانەوە، بە شێوەیەک نرخی ئۆنسەیەکى زێڕ گەیشتە دوو هەزار و ٧١٤ دۆلار. |
وتیشی، نرخی مسقاڵێک زێڕی عەیارە ١٨ بە ٤٩٥ هەزار دینارە و نرخی مسقاڵێک زێڕی عەیارە ٢٤ بە ٦٧٠ هەزار دینارە و بەردەوامە لە بەرزبوونەوە.
وەک ئەو زێڕەنگەرە دەڵێت، نرخی زێر لە بازارەکانی کوردستان بەم شێوەیەیە:
زێڕی عەیارە ١٨ بە ٤٩٥ هەزار دینارە
زێڕی عەیارە ٢١ بە ٥٧٧ هەزار دینارە
زێڕی عەیارە ٢٢ بە ٦٠٥ هەزار دینارە
زێڕی عەیارە ٢٤ بە ٦٧٠ هەزار دینارە
نرخی ١ لیرەی عەیارە ٢١ بە ٥٧٧ هەزار دینارە.
