سری سورەیا ئۆندەر: “هەفتەی داهاتوو بۆ سەردانی ئیمراڵی دووبارە داواکاری پێشکەش دەکەینەوە”
سری سورەیا ئۆندەر، پەرلەمانتاری پارتی یەکسانی و دیموکراسی گەلان (دەم پارتی) لە بازنەی ئیستانبوڵ، سەبارەت بە دووەم داواکاری سەردانی ئیمراڵی ڕایگەیاند: لە کورترین ماوەدا داواکاری پێشکەش دەکەین بۆ سەردانی ئیمڕاڵی و چاوەڕوانین داواکە بۆ هەفتەی داهاتوو پێشکەش بکرێت.
باسی لەوەشکرد، لەڕێگەی وەزارەتی دادەوە داواکارییەکانی سەردانی ئیمراڵی پێشکەش دەکەن و، وتی: ”لە کورترین ماوەدا داواکاری پێشکەش دەکەین بۆ هەفتەی داهاتوو”.
شاندی دەم پارتی، لە 28ـی کانوونی یەکەمی 2024دا لە ئیمراڵی لەگەڵ ڕێبەری کورد، عەبدوڵڵا ئۆجالان کۆبووەوە.
لەلایەکی دیکەوە، شاندی دەم پارتی ڕایگەیاند کە لە 17ـی کانوونی دووەمدا ڕاگەیاندراوێک سەبارەت بە کارەکانی بڵاودەکاتەوە.
