دەستەی کەشناسى عێراق ڕایگەیاند، پێشبینی دەکرێت لەسبەینێوە بارانبارین دەست پێبکاتەوە و سەرەتا نمەنمە باران ببارێت کەشناسی هەرێمیش بەرزترین پلەکانی گەرمای ئەمڕۆی بڵاوکردەوە.
ئەمڕۆ چوارشەممە، دەستەی کەشناسی عێراق ڕاگەیاندراوێکی بڵاوکردەوە و ڕایگەیاند: ئەمڕۆ ئاسمان نیمچە هەوردەبێت و بەراورد بە دوێنێ پلەکانی گەرما لە ناوچەکانی هەرێم نزیکەی دوو پلە بەرزدەبنەوە.
باسی لەوەشكردووە: سبەینێ پێنجشەممە پێشبینی دەکرێت شەپۆلێکی بارانبارین دەست پێبکات و شەپۆلەکە بە شێوەی نمە باران بێت.
لەلایەکی دیکەوە کەشناسی هەرێم باسی لەوەکردووە: ئەمڕۆ چوارشەممە ئاسمان ساماڵ و پەڵەهەور دەبێت، هاوکات سبەینێ پێنجشەممە ئاسمان ساماڵ و پەڵەهەور دەبێت، لەناوچە شاخاوییەکان نیمچە هەور دەبێت.
دەشڵێت، بۆ سبەینێ پلەکانی گەرما کەمێک نزم دەبێتەوە بەراورد بە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر: 17 پلەى سیلیزى
سلێمانی: 14 پلەى سیلیزى
دهۆک: 14 پلەى سیلیزى
کەرکوک: 18 پلەى سیلیزى
هەڵەبجە: 14 پلەى سیلیزى
زاخۆ: 16 پلەى سیلیزى
حاجی ئۆمەران: 2 پلەى سیلیزى
سۆران: 1 پلەى سیلیزى
گەرمیان: 19 پلەى سیلیزى
