ئەمڕۆ دوو شەممە 13ی كانوونی دووەمی 2025، دوو بوومەلەرزە ناوچەكانی هەرێمی كوردستان و ڕۆژهەڵاتی كوردستانی هەژاندووە، بەڵام وەك شارەزایەكی بوومەلەرزەزانی دەڵێت: پلەكانیان نزم بوون.
سیروان ساڵح، شارەزای كەشناسی و بوومەلەرزەزانی بۆ (خەڵك) ڕایگەیاند، لە ئەنجامی بەردەوامی فشاری پلێتی عەرەبی لەسەر پلێتی زاگرۆس، تەنها ئەمڕۆ پێنج بوومەلەرزە لە خوزستان ڕوویانداوە و بەرزترینیان 4 پلە بووە.
ڕاشیگەیاند، دوو بوومەلەرزە لەنێوان قەزای کەلار و قەسری شیرین ڕوویانداوە به پلەی 2.6 و 2.9 پلە به پێوەری ڕێختەر.
ئاماژەی بەوەشكرد، ئەگەر هەیە چالاکی بوومەلەرزە لەو ناوچانەی بەڕەنگی سوور دیاریکراون بەردەوامبن.
