جوزێف عەون، فەرماندەی سوپای لوبنان نەیتوانی لە گەڕی یەکەمی هەڵبژاردنی سەرۆکی وڵاتەکەدا دەنگی پێویست بەدەستبهێنێت.
ئەمڕۆ پێنجشەممە، پەرلەمانی لوبنان بۆ هەڵبژاردنی سەرۆکی نوێی وڵاتەکە کۆبووەوە کە ماوەی دوو ساڵە پۆستەکە بە بەتاڵی ماوەتەوە.
لە دەنگدانەکەدا جوزێف عەون، فەرماندەی سوپا کە بەهێزترین کاندیدە 71 دەنگی بەدەستهێنا و شکستی هێنا لەوەی متمانەی پەرلەمانی وڵاتەکەی بەدەستبهێنێت.
دانیشتنەکەی پەرلەمانی لوبنان بەمەبەستی ڕاوێژ لە نێوان پێکهاتەکاندا بۆ دوو کاتژمیر دواخرا و بڕیارە دواتر گەڕی دووەمی دەنگدان بۆ هەڵبژاردنی سەرۆک بەڕێوەبچێت.
