پارێزگاری بانكی ناوەندی جەختدەكاتەوە، كە لە كۆتایی ئەم مانگەدا كۆتایی بەم قەێرانەی دابەزینی بەهای دینار بەرامبەر بە دۆلار دێت و دەگەڕێتەوە نرخی ئاسایی خۆی.
پارێزگاری بانكی ناوەندی عێراق لە ڕاگەیەنراویدا جەختدەكاتەوە لە گرتنەبەری ڕێككارەكان بۆ دابەزاندنی نرخی دۆلار بەرامبەر بە دینار و دەشڵێت: ” ئیدی قەیرانێك نامێنێت بەناوی قەیرانی دراو”.
ئاماژەی بەوەشكردووە، لەگەڵ ئەوەی بەشێوەی فەرمی دینار بەرامبەر دۆلار ھەر ١٤٦٥ بووە، بەڵام لەنێو بازاڕەكان ترس و دڵەڕاوكێ و كەم بوونەوە لە دراوی قورسی وەك دۆلارە و ئەو پرسەش بەشێوەی بنەڕەتی كۆتایی ئەم مانگە چارەسەر دەكرێت.
لای خۆشیەوە، ڕەوەند میرزا لە بازاڕی دۆلارەكەی سلێمانی بۆ (خەڵك) ئاماژەی بەوەكرد، نرخی دۆلار كەمێك ڕووی لە دابەزین كردووە و ئەمڕۆ ١٠٠ دۆلار بە ١٥٧ هەزار و ٧٥٠ دینارە.
