سبەی سەرۆک وەزیرانی هەرێم سەردانی تورکیا دەکات و پرسی نەوت و پەیوەندییەکانی هەرێم و تورکیا تاوتوێ دەکات.
ئاژانسی ئەنادۆڵۆ، بڵاویکردەوە، بە پێی ئەو زانیارییەی دەستیان کەوتووە، سبەی سێشەممە 7ـی کانوونی دووەمی 2025، مەسرور بارزانی سەرۆک وەزیرانی هەرێم بە سەرۆکایەتی شاندێک سەردانی ئەنقەرە دەکات.
بارزانی لەو سەردانەیدا چاوی بە بەرپرسانی باڵای تورکیا دەکەوێت و چاوەڕوان دەکرێت پەیوەندییەکانی هەرێم و تورکیا، هەناردەکردنی نەوتی هەرێم و پرسە ناوچەییەکان تاوتوێ بکرێت.
جێی ئاماژەیە، دوا سەردانی مەسرور بارزانی بۆ ئەنقەرە، ڕۆژی 19ـی حوزەیرانی ٢٠٢٤ بوو کە لەگەڵ ڕەجەب تەیب ئەردۆغان و هاکان فیدان کۆبوویەوە.
