ڕووداوێکی سەختی هاتووچۆ لەنزیک بازگەی زەمەقی لە هەڵەبجە روویدا و سێ کەس گیانیان لەدەستدا.
بەڕێوەبەرایەتی هاتووچۆی پارێزگای هەڵەبجە بڵاویکردەوە، لەسەر ڕێگای سەرەکی هەڵەبجە – سیروان نزیک بازگەی زەمەقی بەهۆی ڕوداوێکی هاتووچۆوە سێ کەس گیانیان لە دەستداو دوو کەسی تر برینداربوو گواسترانەوە بۆ نەخۆشخانە.
ئاماژەی بەوەشداوە، ڕووداوەکە لەنێوان ئۆتۆمبێلی ( نیسان ئاڵتیما کرێ و تراکتۆرێك لە نزیک بازگەی زەمەقی بووە و سێ سەرنشینی تەکسیەکە گیانیان لەدەستداوە، و هەردوو شۆفێرەکە یش بەسەختی برینداربوو گواسترانەوە بۆ نەخۆشخانەی فریاکەوتنی هەڵەبجە.
لەلایەن تیمی هاتووچۆوە لێکۆڵینەوە لە هۆکاری ڕووداوەکە دەستی پێکردووە .
