یەکەم زیادکردنی ئاشکرای ماسی توونە لە ژاپۆن لە ساڵی نوێدا، سەرنجێکی زۆری بۆ خۆی ڕاکێشا، بەجۆرێك نرخەكەی زیاتر لە ملیۆنێك دۆلاری تێپەڕاندووە.
ئاژانسی “کیۆدۆ” ی ژاپۆنی ڕایگەیاند، لە یەکەم زیادکردنی ئاشکرای ساڵی نوێدا لە بازاڕی ماسی تۆیۆسۆ لە تۆکیۆ، توونەیەکی 276 کیلۆگرامی، بە بڕی 207 ملیۆن یەنی ژاپۆنی، کە دەکاتە یەک ملیۆن و 316 هەزار دۆلار فرۆشرا.
هاوكات ماسیی توونەی ئەمساڵ لە دوای ساڵی 2019 بە دووەم بەرزترین نرخ فرۆشرا، ئەمەش ژمارەی پێوانەیی تۆمار کرد، کاتێک توونەیەک بە 333 ملیۆن یەنی ژاپۆنی فرۆشرا (3.1 ملیۆن دۆلار بە نرخی ئاڵوگۆڕی ئەو کاتە).
دوای زیادکردنی پێوانەیی ساڵی 2019، نرخەکەی لە ساڵی 2020 هەرزانتر بوو، بەڵام لە سەرووی ئاستی 100 ملیۆن یەنی ژاپۆنی مایەوە.
هەروەها لە ساڵی 2021، گرانترین ماسیی توونە بە 20 ملیۆن یەنی ژاپۆنی (202 هەزار دۆلار) فرۆشرا، و لە ساڵی 2022دا تەنها بە 16.88 ملیۆن یەنی ژاپۆنی (145 هەزار دۆلار). لە ساڵی 2023 نرخی توونە دەستی بە بەرزبوونەوە کرد، بەهۆی ئەوەی تونەیەک بە کێشی 212 کیلۆگرام بە 36 ملیۆن یەنی ژاپۆنی (266 هەزار دۆلار) فرۆشرا.
دواتر لە ساڵی 2024 و بۆ یەکەمجار لە دوای 2019 نرخی گرانترین توونە لە ساڵی پێشوو زیاتر بووە و بۆ یەکەمجاریش لە ساڵی 2020، 114 ملیۆن یەنی ژاپۆنی (نزیکەی 800 هەزار دۆلار) بۆ ماسییەکی توونە کە کێشی 238 کیلۆگرام بوو.
