میدیای فەرمی یەکێتی بڵاوکردەوە، بڕیارە لە چەند ڕۆژی داهاتوو شاندی پارتی و یەکێتی لە بارەی پێکهێنانی کابینە نوێی حکو]مەتی هەرێم کۆببنەوە.
میدیای یەکێتی لە زاری سەرچاوەیەکی ناو شاندی دانووستانکاری حزبەکەی بڵاویکردەوە: “بڕیارە لە چەند رۆژی داهاتوودا شاندی یەكێتیی نیشتمانیی كوردستان و پارتی دیموكراتی كوردستان، جارێکی دیکە بۆ پێكهێنانی حكومەت و کاراکردنەوەی پەرلەمانی کوردستان كۆببنەوە”.
بە وتەی سەرچاوەکە، کۆبوونەوەکە درێژکراوەی کۆبوونەوەکانی پێشووی نێوان هەردوولایە، بۆ گفتوگۆکردن لەبارەی چۆنێتی پێكهێنانی حكومەتی نوێی هەرێمی كوردستان و بەگەڕخستنی پەرلەمانی كوردستان، هاوكات تاوتوێی بارودۆخی ئێستای هەرێم و عیراق و ناوچەکە دەکرێت.
