کەشناسی هەرێمی کوردستان ڕایگەیاند پلەی گەرما نزم دەبیتەوە و نمەباران و بەفر لە چەند ناوچەیەک دەبارێت.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ یەکشەممە، ئاسمان لە نێوان پەڵەهەور و نیمچە هەور دەبێت و لە شەودا دەبێتە هەورى تەواو.
ڕوونیشیکردەوە کە لە هەندێک لە ناوچە شاخاوییەکان نمەباران و لە ناوچە سنورییەکانیش کەمێک بەفر دەبارێت.
سەبارەت بە سبەینێ دووشەممەش ڕایگەیاند، ئاسمان هەور دەبێت لەگەڵ بارینى نمە بارانى پچر پچر لە سەر هەندێک ناوچەى شاخاوی و لوتکەى شاخە بەرزەکان.
ئەوەشی خستەڕوو کە لە ناوچە سنوورییەکان بەفر دەبارێت و لە سەنتەرى پارێزگاى دهۆک و سنوورى ناوچە شاخاوییەکانى پارێزگاى هەولێر ئەگەرى دابارین زیاتر دەبێت.
کەشناسی ئاماژەشیدا بەوەی سبەینێ پلەی گەرما 4-6 پلە دادەبەزێت.
بەرزترین پلەکانی گەرمای پێشبینیکراو بە پلەی سیلیزی :
هەولێر :14 پلەى سیلیزى
سلێمانی : 12پلەى سیلیزى
دهۆک : 13 پلەى سیلیزى
کەرکووک : 15 پلەى سیلیزى
هەڵەبجە : 12 پلەى سیلیزى
زاخۆ: 13 پلەى سیلیزى
حاجی ئۆمەران : 1 پلەى سیلیزى
سۆران : 7 پلەى سیلیزى
گەرمیان : 16 پلەى سیلیزى
