بەڕێوەبەرایەتی پاسپۆرتی هەولێر هاووڵاتییان لە ڕاگرتنی مامەڵەی پاسپۆرتی جۆری A ئاگادار دەکاتەوە و دەڵێت، دەتوانن مامەڵەی بۆ پاسپۆرتی جۆری B پێشکەش بکەن.
بەپێی ئاگادارییەکەی بەڕێوەبەرایەتی پاسپۆرتی هەولێر، کە ئەمڕۆ یەکشەممە بڵاویکردەوە تیایدا هاتووە: “ئاگاداری هاووڵاتیانی خۆشەویست دەکەینەوە کەوا وەرگرتنی مامەلەی پاسپۆرتی جۆری A سیستەمی کۆن وەستاوە و هاووڵاتیان تەنها دەتوانن دوای دانانی نۆڕە پاسپۆرتی نوێی ئەلیکترۆنی جۆری B دەربهێنن”.
باسی لەوەشکردووە: ئەو هاووڵاتیانەی کەلە ماوەی پێشوودا پەنجەمۆریان کردبوو وە تەنها وەرگرتنەوەیان مابوو لە پاسپۆرتی جۆری A دەتوانن سەردانمان بکەن بۆ وەرگرتنەوەی پاسپۆرتەکانیان.
ئەوەشی وەبیرهێناوەتەوە: پاسپۆرتی جۆری A لە بەرێوەبەرایەتی پاسپۆرتی پارێزگای هەولێرە لە گەرەکی 32 پارک پشت بەشی مۆڵەتی هاتوچۆی هەولێر لە رۆژانی دەوامی فەرمی دەدرێتەوە.
