زۆرێک لە لێکۆڵینەوە زانستییەکان گرنگیی نانی بەیانی پشتڕاست دەکەنەوە، شارەزایانی بواری خۆراکیش لە زۆر بۆنەدا دووپاتی دەکەنەوە کە نانی بەیانی سوودی هەیە بۆ تەندروستی لەش و بۆ بەرزکردنەوەی ئاستی وزە و چالاکی بەدرێژایی ڕۆژ، بەڵام هەمیشە پرسیارێک دەمێنێتەوە سەبارەت بەو ماددە خۆراکییانەی کە دەتوانن سوود لە نانی بەیانی وەربگرن چین و چ کاتێ بخورێن؛
بەپێی ئەوەی کە ماڵپەڕی “WIO News” بڵاویکردووەتەوە، چەند جۆر خۆراک هەن کە باشترە بە گەدەی بەتاڵ بخورێن، بەم شێوەیەی خوارەوە:
- گوێز و چەرەزات
هیشتنەوەی کاڵکەی گوێز بۆ ماوەی شەوێک لەئاودا، هەرسکردنی لەگەدەدا ئاسانترە و هەڵمژینی ئەو ماددە خۆراکیانەی تێدایە زیاد دەکات.
هەروەها خواردنی گوێز و هەندێک لە چەرەزات بە گەدەی بەتاڵ وزەی بەردەوام بە درێژایی ڕۆژ دابین دەکات و پاڵپشتی تەندروستی گشتی مێشک دەکات.
- شەربەتی سەوزەوات
خواردنەوەی ئاوی سەوزە بە گەدەی بەتاڵ یارمەتی زیادکردنی خێرای ماددە خۆراکیەکان دەدات و یاریدەی پاککردنەوەی ژەهر دەدەن و پاڵپشتییەکی باشی ئاوە بۆ جەستە.
3. هەنجیر و کشمیش
کشمیش و هەنجیر بۆ ماوەی شەوێک لە ئاودا بهێڵەرەوە، پاش خوسانیان بیخۆ یارمەتی بەرزکردنەوەی هەرسکردن دەدەن، ئەم دوو خۆراکە لەسەر گەدەی بەتاڵ بخورێن وزە بە خێرایی زیاد دەکەن و پاڵپشتی تەندروستی گشتی دەکەن .
- ئاوی تۆوی ڕەشکە
تۆوی ڕەشکە پڕە لەپێکهاتەی گرنگ کە سوود بە جەستە دەبەخشێت، بەتایبەت باشترکردنی کرداری هەرس، بەو پێیەی یارمەتی کەمکردنەوەی ئاوسانی سک و گازەکان دەدات بۆیە خواردنەوەی ئاوی تۆوی ڕەشکە بە گەدەی بەتاڵ یارمەتی بەدهەرسی دەدات و پرۆسەی هەرسکردن هان دەدات.
- مۆز
خواردنی مۆز بە گەدەی بەتاڵ یارمەتی دابینکردنی وزەی خێرا و گونجاو دەدات بۆ جەستە و ڕێژەی شەکر لە خوێندا ڕێکدەخات، هاوکات ڕێژەی ڕیشاڵەکانی یارمەتیدەرە بۆ هەستکردن بە تێربوون.
