وتەبێژى وەزارەتى بەرگرى ئەمریکا ڕایگەیاند، وڵاتەکە هیچ پلانێکى نییە بنکەى سەربازیی لەنزیک کۆبانێ دروست بکات و جەختیش دەکاتەوە کە پشتگیریی کۆتاییهاتنى گرژییەکان دەکەن لە رۆژئاواى کوردستان.
سابرینا سینگ، وتەبێژى وەزارەتى بەرگرى ئەمریکا (پنتاگۆن) لەبارەى دەنگۆى بنیاتنانى بنکەى سەربازیی وڵاتەکەى لە کۆبانێ بە رۆژنامەنوسانى وت: “هەندێک ڕاپۆرتمان لەوبارەیەوە بینیوە و پرسیارمان ئاڕاستە کراوە، بەڵام هیچ پلانێکمان نییە بنکەى سەربازیی لەو ناوچەیە بکەینەوە و دڵنیا نین سەرچاوەى ئەم دەنگۆیانە کێیە”.
وتیشی: “بەدڵنیاییەوە پشتگیریی کۆتاییهاتنى گرژییەکان و دەستدرێژییەکانى هێزە چەکدارەکان دەکەن لە رۆژئاواى کوردستان دژى هێزەکانى سووریاى دیموکرات دەکەین”.
رۆژى رابردوو، بە بڵاوکردنەوەى چەند گرتە ڤیدیۆییەک، ئاماژە بۆ ئەوەکرا کە ئەمریکا و هێزەکانى هاوپەیمانى نێودەوڵەتی بنکەى سەربازیی لە سووریا و نزیک لە کۆبانێ دروسی دەکەن.
