نرخی نەوت و زێڕ لە بازاڕەکانی جیهان گۆڕانکارییان بەسەردا هات و بەردەوامن لە بەرزبوونەوە، بە جۆرێک نرخی بەرمیلێک نەوتی برێنت گەیشتە سەرو 76 دۆلار.
ئەمڕۆ شەممە، نرخی یەک بەرمیل نەوتی خاوی برێنت بۆ 76 دۆلار و 51 سه‌نت بەرزبووەوە، ئەمەش بەراورد بە هەفتەی ڕابردوو هەر بەرمیلێک دوودۆلار زیادی کردووە.
هاوکات هەر ئەمڕۆ نرخی یەک بەرمیل نەوتی خاوی ئەمریکا بۆ 73 دۆلار و 96 سەنت بەرزبووەوە، لەکاتێکدا ئەویش کۆتایی هەفتەی ڕابردوو بە 71 دۆلار و 72 سه‌نت فرۆشرا.
هەرچی نرخی زێڕیشە بەرزبوونه‌وه‌ی به‌رچاوی به‌خۆیه‌وه بینیوه و ئەمڕۆ یەک ئۆنسەی گەیشتەوە دوو هەزار و 639 دۆلار.
