وەزیری دەرەوەی ئەڵمانیا لە چوارچێوەی سەردانەکەیدا بۆ سووریا ڕایگەیاند دەبێت ئاسایشی کورد بپارێزرێت.
ئەمڕۆ هەینی، ئەنالینا بێربۆک، وەزیری دەرەوەی ئەڵمانیا لە میانی سەردانەکەیدا بۆ دیمەشق ڕایگەیاند، پێویستە ئاسایشی کورد لە سووریا گەرەنتی بکرێت و بە گرنگ بۆ پاراستنی سەقامگیریی سووریا وەسفیکرد.
سەبارەت بە هێزەکانی سووریای دیموکراتیش وەزیرە ئەڵمانییەکە جەختیکردەوە کە پێویستە هەسەدە بخرێتە ناو سوپای سووریا.
جەختیشی لەوە کردەوە کە “دەبێت هەموو سووریاییەکان لە پرۆسەی سیاسیی نوێدا بەشدار بن”، بەڵام ڕایگەیاند یەکێتیی ئەوروپا پاڵپشتیی “دامەزراوە ئیسلامییەکان” لە سووریا ناکات.
