سەرۆکی چین بەبۆنەی هاتنی ساڵی نوێ پەیامێکی پێشکەش بە گەلی چین کرد و دەستکەوتەکانی یەک ساڵی خستەڕوو.
شی جینپینگ، سەرۆکی چین، لە وتاریکدا بەبۆنەی هاتنی ساڵی نوێی زاینی ڕایگەیاند، بەرەوپێشچوونەکانمان لە سەرجەم بوارەکان زیاتربووە، و ئێستا بوینەتە سەرچاوەیەکی باڵا لە جیهاندا و خۆبژیوی و هەناردەمان زۆر زیادیکردووە.
ئاماژەی بەوەشدا، لەساڵی 2024 دا، ئابووری چین سەرلەنوێ بەرزبووەتەوە و بەردەوامە لە بەرزبوونەوە، و پێشبینی دەکرێت بەرهەمی ناوخۆیی چین لە ساڵی 2024دا 130 تریلیۆن یوان تێپەڕێنێت.
وتیشی، پیشکەوتنەکانمان تەنها لەڕووی ئابووری نییە، بەڵکو بەرهەمی دانەوێڵە و کشتوکاڵ زۆر لە باشیدایە، و بەرهەمی دانەوێڵە 700 ملیۆن تەنی تێپەڕاندووە، ئێستا قاپەکانی چین پڕ دەبن لە دانەوێڵەی چینی زیاتر.
شی جینپینگ راشیگەیاند، بواری تەکنەلۆجیا بوارێکی سەرەکی چین و دامەزراوەکانێتی، لەگەڵیشیدا گرنگیدان بە بەرهەمهێنانی ئۆتۆمبێل، و بۆ یەکەمجار چین لە ماوەی یەک ساڵدا زیاتر لە 10 ملیۆن ئۆتۆمبێلی وزەی نوێی بەرهەمهێنا.
