نەخۆشخانەی پێشمەرگە دروستکردنی دەفتەری دەرمانی بۆ پێشمەرگە و کەسوکاری شەهیدان ڕاگەیاند و دەڵێت”،مانگانە دەرمانەکانیان پێ دەدرێت”.
نەخۆشخانەی پێشمەرگە، لە راگەیەندراوێکدا، سەرجەم پێشمەرگەکان و کەس و کاری سەربەرزی شەهیدان ئاگادار دەکاتەوە، کە دوای پشوەکانی سەری ساڵ دەست دەکرێت بە دروستکردنی دەفتەری چارەسەری مانگانە بۆ ئەو چارەخوازانەی کە نەخۆشی درێژخایەنیان هەیە بەمەبەستی وەرگرتنی دەرمانی مانگانە لە نەخۆشخانەی پێشمەرگە.
ئاماژەی بەوەشداوە، لەئەنجامی هەوڵەکانی بەڕێوەبەرایەتی کاروباری تەندروستی وەزارەتی پێشمەرگە، توانرا نەخۆشخانەی پێشمەرگە لە هەولێر ببێتە ناوەندێکی تەندروستی بۆ دابینکردنی دەرمان بۆ نەخۆشانی دڕێژخایەنی پێشمەرگە.
بەپیی ڕاگەیەندراوەکە چەند کات و مەرجێک دانراوە کە ئەمانەن:
١- لەڕۆژی سێشەمە(2025/1/7)لێژنە دەست بەکاردەبێت و نەخۆشەکان دەبینێت.
٢-لێژنە ڕۆژانی( یەک شەم، سێشەم ، چوارشەم) دادەنیشێت.
٣- دەفتەر چارەسەری مانگانە تەنها بۆ پێشمەرگە و کەس و کاری شەهیدان و کەسی پلە یەکی ئەم دوانە دەکرێت.
بۆزانیاری زیاتر پەیوەندی بکەن بەم ژمارانەی خوارەوە.
07502355830
07512236696
