لە گەڕەکێکی شاری سلێمانی بەهۆی کەوتنەوەی ئاگرەوە لە ماڵێک، دوو منداڵ گیانیان لە دەستدا و منداڵێکی دیکەش برینداربوو.
سامان نادر، بەڕێوەبەری سەنتەری فریاکەوتنی خێرای سلێمانی، بە “تۆڕی میدیایی خەڵک”ی ڕاگەیاند: کاتژمێر 3ی بەرەبەیانی ئەمڕۆ چوارشەممە لە چوارچرای نوێ ئاگر لە ماڵێک کەوتەوە کە سێ منداڵی تێدابووە.
سامان نادر باسی لەوەشکرد: بەهۆی ڕووداوەکەوە دوو لە منداڵەکان گیانیان لەدەستداوە کە تەمەنیان شەش ساڵ و 10 ساڵە، ئەوەی دیکەش سووتاوە و رەوانەی نەخۆشخانەی ئیمێرجنسی کراوە.
باسی لەوەشکرد، “ئەو خێزانەی لەناو ماڵەکەدا نیشتەجێن بە نەتەوە عەرەبن و تەرمی دوو منداڵەکەش ئێستا لە پزیشکی دادە لە سلێمانی”.
