بەسەرپەرشتی، سەرۆکی ئەنجوومەنی بەڕێوەبردنی گرووپی کۆمپانیاکانی بەرێز و بەشداری بەرپرسانی بەشە جیاوازەکان، دواین کۆبوونەوەی ساڵی ٢٠٢٤ ئەنجامدرا.
لە کۆبوونەوەکەدا، یاسین مەحمودرەشید، سەرۆکی ئەنجوومەنی بەڕێوەبردنی گرووپی کۆمپانیاکانی بەڕێز، دوای دەستخۆشی و گەیاندنی پێزانین بەکارمەندان و بەرپرسانی بەشە جیاوازەکان، ڕایگەیاند؛ ساڵی ٢٠٢٤ ساڵێکی پڕ کار و بەرهەم بووە بۆیان و بەهیمەتی سەرپەرشتیارانی پرۆژەکان و دڵسۆزی کارمەندەکانی، توانرا زۆرێک لە ئەرکە دیار و گرنگەکانی سەرشانی کۆمپانیا لە بەشەجیاوازەکاندا بەباشترین شێوە ڕایی بکەن و ساڵێکی پڕ دەستکەوت بووە بۆیان، هەر ئەمەش وایکردووە، کە بەشێک لەکارمەندانی وەک کارمەندی ساڵ دەستنیشان بکات و خەڵاتی شایستەیان بکات.
ناوبراو، باسی لەوەشکرد، هاوشانی کارکردنیان لەپرۆژەکان و گەیاندنی پرۆژەی خزمەتگوزاری و تەواوکردنی ئەو داواکارییانەی لەسەریان بووە لەپڕۆژە نیشتەجێبوونەکاندا، ساڵێکی گرنگ و پڕ بایەخ بووە بۆیان لەڕووی هەوڵە خێرخوازییەکانیان لەڕێگەی رێکخراوی خێرخوازی خەڵکەوە توانویانە هەزاران خانەوادە بە هاوکارییەکانیان بە سەر بکەنەوە و یارمەتیدەرێکی باشی بەشێک لە ناوەندە حکومییەکایش بن.
ئاشکراشیکرد؛ پلان و بەرنامەی گونجاو و گرنگیان هەیە بۆ ساڵی ٢٠٢٥ .
کۆبوونەوە، بە سەرنج و پێشنیاری بەشداربووان درێژەی پێدراو لەکۆتایشدا دوا وێنەی ساڵ چرکێنرا.
