لە ڕێگای کەلار ـ شێخ لەنگەر نزیک گردە گۆزینە سێ ئۆتۆمبێل پێکیاندادا و ١٠ کەس برینداربوون.
هاتووچۆی گەرمیان بڵاویكردەوە، ئەمڕۆ (سێ شەممە) لەسەر ڕێگای کەلار ـ شێخ لەنگەر نزیک گردە گۆزینە بەهۆی پێکدادانی سێ ئۆتۆمبێلی جۆری (مازدا تایبەت و نیسان سینترا و کیا سیراتۆ)وە ١٠ کەس بریندار بوون، کە ٨ کەسیان سەرنشینن و دوو لە بریندارەکان شۆفێرن.
ڕاشیگەیاندووە، ئۆتۆمبێلی نیسان سێنترا و کیا سیراتۆ بە ئاراستەی شێخ لەنگەر ڕۆیشتوون، ئۆتۆمبێلی جۆری مازدە تایبەت بەئاراستەی کەلار هاتووە لەنزیک گردەگۆزینە پێکیانداداوە.
جەختیشی كردۆتەوە، لێکۆڵینەوە لە ڕووداوەکە لەلایەن تیمی هاتووچۆوە دەستیپێکردوە بەمەبەستی زانینی هۆکار و چۆنیەتی ڕووداوەکە.
