وەزارەتی دارایی عێراق بڕیاری ناردنی مووچەی فەرمانبەرانی هەرێمی دەركرد.
وەزارەتی دارایی عێراق لە ڕاگەیەنراوێكدا ئاماژەی بەوەكردووە، تەیف سامی، وەزیری دارایی واژۆی لەسەر ناردنی بڕێک پارە بۆ مووچەی فەرمانبەرانی هەرێمی کوردستان كردووە.
ڕاشیگەیاندووە، بەمزووانە بڕێک پارە بۆ هەرێمی کوردستان دەنێرین و دەخرێتە سەر هەژماری بانکی حکومەتی هەرێم.
بەپێی وتەی پەرلەمانتاران، وەزارەتی دارایی عێراق بڕیاری ناردنی 450 ملیار دیناری بۆ تەواوكاری مووچەی مانگی 11ی هەرێم داوە.
