لەسەر ڕێگای کەلار- دەربەندیخان بەهۆی ڕووداوێکی هاتووچۆوە کەسێک گیانی لە دەستدا و سێ کەس برینداربوون و گواسترانەوە بۆ نەخۆشخانە.
هاتووچۆی گەرمیان بڵاویكردەوە، ئەمڕۆ ( سێ شەممە) دوو ئۆتۆمبێلێ جۆری (تۆیۆتا کامری و تۆیۆتا پیک ئاب) بەئاراستەی قەزای دەربەندیخان ڕۆیشتوون، لە بەرامبەر گوندی (لەواوان) پێکیاندادا.
ڕاشیگەیاندووە، بەهۆیەوە کەسێک گیانی لە دەستدا و سێ کەسی تر برینداربوون و گواسترانەوە بۆ نەخۆشخانەی شەهید مەلا ئەحمەد کەلاری لە ناحیەی باوەنور.
جەختیشی كردۆتەوە، لەلایەن تیمی هاتووچۆوە لێکۆڵینەوە لە ڕووداوەکە دەستی پێکردووە.
