ده‌سته‌ی گشتی كه‌شناسی عێراق ئاشكرای دەكات، ئێواره‌ی ئه‌مڕۆ بوومه‌له‌رزه‌یه‌ك له سنوری پارێزگای كه‌ركوك تۆماركراوه و له‌لایه‌ن به‌شێك له هاووڵاتیانیشه‌وه هه‌ستی پێكراوه.
ده‌سته‌ی گشتی كه‌شناسی و بوومەلەرزەزانی عێراق لە ڕاپۆرتێكدا بڵاویكردەوە، ئێوارەی ئەمڕۆ دوو شەممە، ڕوانگه بوومه‌له‌رزه‌ییه‌كانمان، بوومه‌له‌رزه‌یه‌كیان له ناو سنوری عێراق تۆماركرد، كه به دوری 34 كیلۆمه‌تر له باكوری كه‌ركوكه‌وه بووە.
ئاشكراشی كردووە، بوومەلەرزەكە به‌گوڕی 3 پله به‌پێوه‌ری رێخته‌ر و هیچ زیانێكی نەبووە.
ئاماژەی بەوەشكردووە، لەلایەن بەشێكی زۆری هاووڵاتیانی پارێزگاكەوە هەستی پێكراوە.
