سەرۆک وەزیرانی ئیسرائیل دوای ئەنجامدانی نەشتەرگەریی پرۆستات گواسترایەوە بۆ شوێنێکی پارێزراو لە ژێرزەمیندا تا ئەو کاتەی بەتەواوی چاک دەبێتەوە.
درەنگانی دوێنێ شەو نووسینگەی سەرۆک وەزیرانی ئیسرائیل ڕایگەیاند، نەشتەرگەرییەکی سەرکەوتوو بۆ بنیامین ناتانیاهۆ ئەنجامدرا و بە تەندروستییەکی باشەوە هۆشی هاتووەتەوە.
ڕوونیشیکردەوە، دوای نەشتەرگەریی دەرهێنانی پرۆستات، ناتانیاهۆ گواستراوەتەوە بۆ شوێنێکی پارێزراو لە ژێرزەمیندا تا ئەو کاتەی بەتەواوی چاک دەبێتەوە.
چاوەڕوان دەکرێت ناتانیاهۆی تەمەن 75 ساڵ چەند ڕۆژێک لەو شوێنە پارێزراوەدا بمێنێتەوە.
