وەزارەتی دارایی عێراق راگەیەندراوێكی لەسەر پرسی مووچە بڵاوكردەوە.
ئەمڕۆ یەک شەممە، وەزارەتی دارایی عێراق لە ڕاگەیەندراوێکیدا رەتیكردەوە هیچ كێشەیەكی نەختینە لە وڵاتدا بوونی هەبێت و دەشڵێت، “پابەندین بە خەرجكردنی مووچە بەگوێرەی ئەو خشتانەی دیاریكراون”.
هەروەها ئاماژەی بەوەكردووە، ئەو زانیارییانەی باس لەوە دەكەن كە بەهۆی نەبوونی نەختینەوە كێشە بۆ مووچە درووستبووە لە عێراق هیچ راستی و دروستییەك لە پشتیانەوە نییە.
هاوکات وتیشی وەزارەت جەخت لەوە دەكاتەوە كە بە تەواویی پابەندە بە پڕۆسەی پارەداركردنی مووچەی فەرمانبەران بەپێی ئەو خشتانەی دیاریكراون و بۆ مانگی كانوونی یەكەمی ئةمساڵ پارە بۆ هەریەكەیان دابینکراوە.
