بەهۆی بەتاڵكردنی بەنزینەوە، ئاگر لە ماڵێك لە ناحیەی ڕزگاری كەوتەوە و بەهۆیەوە خانوو و ئۆتۆمبێلێك سووتان و دوو كەس بریندار بوون.
لە ناحیەی رزگاری قەزای كەلار، ڕووداوێكی ئاگركەوتنەوە لەكاتی بەتاڵكردنی بەنزین ڕوویدا و بەهۆیەوە دوو كەس برینداربوون و خانوو و ماڵەكەشیان سووتان.
بە گوێرەی زانیارییەكان، خاوەن ماڵەكە پیشەی فرۆشتنی بەنزین بووە و دوای ئەوەی بە ئۆتۆمبێلەكەیەوە چووەتەوە ماڵەوە و ویستوویەتی لە رێگای ماتۆڕی كارەباییەوە دەبە بەنزینەكان بەتاڵ بكات، لەو كاتەدا ئاگری گرتووە و ئۆتۆمبێل و ماڵەكەی سووتاون و خۆی و ئەندامێكی دیكەی خێزانەكەی برینداربوون و گواستراونەتەوە بۆ نەخۆشخانە.
