بەڕێوەبەرایەتی كارەبای سلێمانی ڕایدەگەیەنێت، بەو بڕە بەرهەمەی لەبەردەستدایە، ڕۆژانە 6 بۆ 7 كاتژمێر كارەبا بە هاووڵاتیان دەدرێت و بۆ سەری ساڵیش بەهەمان شێوە دەبێت.
سیروان محەمەد، بەڕێوەبەری راگەیاندنی كارەبای سلێمانی ڕایگەیاندووە، بەپێی ئەو بڕە بەرهەمەی کارەبا، کە لەبەردەستدایە ڕۆژانە ٦ بۆ ٧ كاتژمێر كارەبای نیشتمانی بە هاووڵاتییان دەدرێت و ئەو بڕە كارەبایەی، كە هەیە دابەشدەكرێت.
وتیشی: بۆ سەری ساڵ بە هەمان بەرنامەی ڕۆژانی ئاسایی كارەبای نیشتمانی بۆ هاووڵاتییان دابین دەكرێت، كە لە ئێستادا ٦ بۆ ٧ كاتژمێر كارەبا دابین دەكرێت.
لە ئێستادا لە سەرجەم وەزارەت و فەرمانگەكان پشووە و بڕێكی زۆری كارەبا دەگەڕێتەوە بۆ تۆڕی كارەبای نیشتمانی، لەكاتێكدا لەڕۆژانی قەدەغەی هاتووچۆی سەرژمێریدا بەهۆی نەبوونی دەوامی فەرمانگەكان پێدانی كارەبای نیشتمانی بە هاووڵاتیان گەیشتبووە نیزكەی 20 كاتژمێر.
