بەڕێوەبەرایەتی تەندروستی دیالە ئاشكرای دەكات، بەهۆی خۆڵبارینەوە زیاتر لە 40 کەس ڕەوانەی نەخۆشخانەکانی پارێزگاكە کراون.
فارس عەزاوی، بەڕێوەبەری راگەیاندنی تەندروستیی پارێزگای دیالە ڕایگەیاندووە، بەهۆی ئەو خۆڵبارینەی کە پارێزگاکەیانی گرتووەتەوە، تاوەکو ئێوارەی دوێنێ هەینی، زیاتر لە 40 کەس تووشی هەناسەتەنگی بوون و گەیەندراونەتە نەخۆشخانەکانی دیالە و چارەسەریان وەرگرتووە.
ڕاشیگەیاندووە، سەرجەم هاووڵاتییان کە زۆبەیان کەسانی بەتەمەن بوون نەخۆشخانەیان جێهێشتووە و گیانلەدەستدان تۆمارنەکراوە .
ڕۆژی پێنج شەممەی رابردوو، دەستەی کەشناسیی عێراق هۆشداری دا لە چالاكبوونی بای باشوور و ڕۆژهەڵات لە عێراق و هەڵكردنی خۆڵبارین، بەتایبەتی لە پارێزگاکانی دیالە، بەغدا، سەڵاحەدین، واست و دیوانییە.
