هاتووچۆی هەولێر سبەینی چەند شەقامێک بەهۆی ئەنجامدانی چالاکییەک لە هەولێر ڕادەگرێت و دەڵێت”شۆفێران شەقامی جێگرەوە بەکاربهێنن”.
هاتووچۆی هەولێر بڵاویکردەوە، سبەینێ هەینى، بەهۆى ئەوەى ماراسۆن لە شەقامەکانى دەورى پارکى (سامى عەبدولڕەحمان) دەکرێت لە کاتژمێر (7:00)ـى بەیانى تا کاتژمێر (1:00)ـى دوانیوەڕۆ ژمارەیەک شەقامى سەرەکى دادەخرێن.
بەپێی بڵاوکراوەکەی هاتووچۆی هەولێر، لەو ماوەیەدا شۆفێران و هاووڵاتیان دەتوانن شەقامە جێگرەوەکان بەکاربهێنن.
ئەو شەقامانەی سبەینێ دەگیرێن بریتین لە:
– شەقامى 60 مەتریى بەرامبەر پەرلەمانى کوردستان تا رێگاى موسڵ
– سێڕیانى دارایی تا کۆتایی شوراى پارک
-شەقامى 40 مەتریی رێگاى موسڵ تا چواڕیانى فیدراڵ
-شەقامى زاگرۆس تا شەقامیی 60 مەتریی
