لە میانی ڕووبەڕووبوونەوەکانی نێوان ئەنجومەنی سەربازیی منبج و گروپەکانی سەر بە تورکیا، 12 چەکدار کوژران و ژمارەیەک زرێپۆشیشیان تێکشکێندران.
ڕوانگەی سووریا بۆ مافەکانی مرۆڤ بڵاویکردەوە، ئەنجومەنی سەربازیی منبج لە میحوەری بەنداوی تشرینەوە بەرپەرچی پەلامارێکی گروپە چەکدارەکانی سەر بە تورکیای دایەوە و لە ئاکامدا 12 چەکدار کوژران و سێ شەڕڤانیش گیانیان لەدەستدا.
لە لایەکی دیکەشەوە هێزەکانی سووریای دیموکرات دیمەنی ڤیدیۆیی چەند هێرشێکیان بڵاوکردەوە کە لە ڕێی درۆنی بۆمبڕێژکراوەوە کردوویانەتە سەر هێزەکانی سەر بە تورکیا و ڕوونیشیکردەوە کە ژمارەیەک زرێپۆشی گروپەکانیان تێکشکاندووە.
