ئەمڕۆ کیلۆیەک مریشکی زیندوو 2750 دینار فرۆشراوە، لەکاتێکدا بەهای کڕینی 2500 دینارە بووە.
نازم عەبدوڵڵا، سەرۆكی كۆمەڵەی كێڵگە پەلەوەرییەکانی سلێمانی و گەرمیان ڕایگەیاند ،شەوی ڕابردوو نرخی کیلۆیەک مریشک لە نێوان 2100 بۆ 2200 دینار بووە. بەراورد بە دوو هەفتەی ڕابردوو، نرخەکان 500 دینار دابەزیون.
هاوکات دواکەوتنی مووچە و کەمیی خواست وەک هۆکاری سەرەکی ئەم دابەزینە ئاماژەی پێ کراوە.
هەروەها، زیادبوونی بەرهەمهێنان بە ڕێژەیەکی بەرچاو لە پێداویستی هەرێم هۆکارێکی دیکەیە، چونکە هەرێم ساڵانە تەنها پێویستی بە 145 هەزار تۆن مریشکە، بەڵام لە ئێستادا بەرهەمهێنان گەیشتووەتە 400 هەزار تۆن.
