ئەمڕۆ بارانبارین ئەم شوێنانە دەگرێتەوە

کەشناسی هەرێم ڕایگەیاند، ئەمڕۆ ئاسمان نیمچە هەور دەبێت و نمەباران ناوچە شاخاوییەکانی پارێزگای دهۆک و هەولێر دەگرێتەوە.

بەپێی ڕاپۆرتی کەشناسی هەرێم، ئەمڕۆ دووشەممە ئاسمان بەگشتى نیمچە هەور دەبێت، ئەگەرى نمە بارانى کەم لە سەر بەشێک لە ناوچە شاخاوییەکانى سنوورى پارێزگاى دهۆک و پارێزگاى هەولێر هەیە.

باسی لەوەشکردووە: پلەکانی گەرما کەمێک بەرز دەبێتەوە بەراورد بە تۆمارکراوەکانى دوێنێ.

دەشڵێت: سبەینێ سێشەممە ئاسمان بەگشتى نیمچە هەور دەبێت، ئەگەرى نمە بارانى کەم لە سەر بەشێک لە ناوچە شاخاوییەکانى سنوورى پارێزگاى دهۆک و پارێزگاى هەولێر هەیە.

باسی لەوەشکردووە: پلەکانی گەرما کەمێک بەرز دەبێتەوە بەراورد بە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 17 پلەى سیلیزى

سلێمانی: 16 پلەى سیلیزى

دهۆک: 16 پلەى سیلیزى

کەرکوک: 18 پلەى سیلیزى

هەڵەبجە: 15 پلەى سیلیزى

زاخۆ: 16 پلەى سیلیزى

حاجی ئۆمەران: 7 پلەى سیلیزى

سۆران: 9 پلەى سیلیزى

گەرمیان: 20 پلەى سیلیزى