دەزگای لوتکە رایاگەیاند، رۆژی یەکشەممەی داهاتوو دوای زیاتر لە دوومانگ لە نقومبوونی یەختەکەیان تەرمی دوو کۆچبەری دیکەی کورد دەگەڕێندرێنەوە هەرێمی کوردستان.
شێخ حسێن نوێنەری دەزگای لوتکە لە وڵاتی یۆنان ڕایگەیاند: ڕۆژی یەکشەمە کاتژمێر ٥:٠٥ خولەکی سەر لە ئێوارە لەڕێگەی فڕۆکەخانەی نێودەوڵەتی هەولێرەوە تەرمی دوو کۆچبەری کورد بە ناوەکانی(زانا قادر)و (زریان محمەد)دەگەڕێندرێنەوە هەرێمی کوردستان.
وتیشی: تەرمی ئەو دووکەسە دوای زیاتر لە دوو مانگ بەسەر ڕووداوی ژێرئاوکەوتنیی یەختێکی کۆچبەران لە ١/١١/٢٠٢٢ لە کەناراوەکانی ئێفیای یۆنان تەرمی بە دوو قۆناغی جیا لەلایەن پۆلیسی کەناراوەکانی یۆنان دۆزراونەتەوە.
