نەخۆشخانەی فریاكەوتنی ڕۆژئاوای هەولێر ئاشكرای دەكات، لە ماوەی 7 ڕۆژدا پێنج هاووڵاتی بە كارەبا گیانیان لەدەستدا.
نەخۆشخانەی فریاكەوتنی ڕۆژئاوای هەولێر بڵاویكردەوە، نەخۆشخانەكەمان لەپێناو تەندروستی و سەلامەتی هاووڵاتیان بەپێویستی دەزانیت هۆشیاری بدەین بە هاووڵاتیانمان لەسەر نزیك بوونەوە لە كارەبا.
باس لەوەشكراوە، لەماوەی حەوت (٧) ڕۆژی ڕابردوودا نزیكەی (٥) هاووڵاتی بە كارەبا گیانیان لەدەستداوە و ڕۆژ بەڕۆژ ئەو حاڵەتە ڕوو لە زیادبوونە.
ئاماژە بەوەشكراوە، بۆیە پێویستە هەڵوەستەی جددی لەسەر بكرێ و هاووڵاتیان زیاتر هۆشیار بن و كەلوپەلی زیاتری خۆپارێزی بەكاربێنن لەكاتی هەركارێك، كەبەریەككەوتن هەبێ لەگەڵ كارەبا تاوەكو سەروگیانیان سەلامەت بێت.
